സിംബാബ്‌വെക്കാര്‍ക്ക് ഉഗ്രന്‍ വാഗ്ദാനവുമായി പാക് നടി. അടുത്ത മത്സരത്തില്‍ സിംബാബ്‌ബെ ഇന്ത്യയെ തോല്‍പ്പിച്ചാല്‍ സിംബാബ് വെക്കാരനെ വിവാഹം ചെയ്‌തേക്കാമെന്നാണ് പാക് നടി സെഹര്‍ ഷിന്‍വാരി പറഞ്ഞിരിക്കുന്നത്.
ട്വന്റി20 ലോകകപ്പില്‍ പാക്കിസ്ഥാന് സെമിയില്‍ കടക്കണമെങ്കില്‍ ഇന്ത്യ സിംബാബ് വെയുമായി തോല്‍ക്കേണ്ടതുണ്ട്.
ഇതാണ് സെഹര്‍ ഷിന്‍വാരിയെ ഈയൊരു സാഹസത്തിന് പ്രേരിപ്പിച്ചത്.
ഇന്ത്യയും ബംഗ്ലാദേശും തമ്മിലുള്ള മത്സരത്തിനിടെ, ഇന്ത്യയുടെ പരാജയമാണ് ആഗ്രഹിക്കുന്നതെന്ന് കാണിച്ചും ഷിന്‍വാരി നിരവധി തവണയാണ് ട്വീറ്റ് ചെയ്തത്.
”അവരുടെ ടീം അദ്ഭുതകരമായി ഇന്ത്യയെ പരാജയപ്പെടുത്തുകയാണെങ്കില്‍ തീര്‍ച്ചയായും ഞാന്‍ സിംബാബ്വെ പൗരനെ വിവാഹം കഴിക്കും”-എന്നായിരുന്നു ഷിന്‍വാരിയുടെ ട്വീറ്റ്.
850ലേറെ യൂസര്‍മാരാണ് അവരുടെ പോസ്റ്റ് ലൈക് ചെയ്തത്.നടിയുടെ ട്വീറ്റിന് പിന്നാലെ വലിയ രീതിയിലുള്ള ട്രോളുകളുടെ പൊങ്കാലയാണ് ആരാധകരുടെ ഭാഗത്ത് നിന്നും ഉണ്ടാകുന്നത്.
ഇങ്ങനെ പോയാല്‍ ജീവിതകാലം മുഴുവന്‍ അവിവാഹിതയായി തുടരേണ്ടി വരുമെന്നതടക്കം രസകരമായ ട്രോളുകളും കമന്റുകളുമാണ് ട്വീറ്റിന് താഴെ നിറയുന്നത്.
നേരത്തേ അവര്‍ നടത്തിയ പ്രവചനങ്ങള്‍ ചൂണ്ടിക്കാട്ടിയും ഒട്ടേറെ ട്രോളുകള് നിറയുന്നുണ്ട്. ട്വീറ്റുകളുടെ പേരില്‍ മുമ്പും സെഹര്‍ വാര്‍ത്തകളില്‍ നിറഞ്ഞിട്ടുണ്ട്.
മുമ്പ് ന്യൂസിലന്‍ഡ് ക്രിക്കറ്റര്‍ ജയിംസ് നിഷാമിന് തന്നില്‍ കുട്ടികളുണ്ടാവാന്‍ ആഗ്രഹിക്കുന്നതായി നടി ട്വീറ്റ് ചെയ്തിരുന്നു.
